بيت الأدباء والشعراء

اياك تفكر

إياك تفكر أنك ملكتني
بحته ورقه
ممكن أيوه تملك قلبي
يوم ماتعاملنى برقه
زوجه معناها شريكه
ف السعاده والمشقه
لو هاعيش معاك ف قصر
أو فى شقه
ولو يميل الزمن بيناأكون سعيده
لو أكُلها معاك بدقه
مش معنى أني أكون زوجه
أبقى ملكك مستحيل
الإسلام محىَ العبوديه
بأمر ربٌ جليل
أنا جيت بيتك بكلمه
بشرع ربي و سنة الرسول
لجل ما نبقى عيله
وأنا مسؤله وأنت مسؤل
نعمر الأرض بإيدينا
وييجي جيل يَخُلف جيل
إياك تفكر أنك ملكتني
بحتة ورقه
ممكن أيوه تملك قلبي
يوم ماتعاملنى برقه
((( أسامه جديانه)))

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: