فن الترويض

فن الترويض
………
مسنود على عكاز الامل
اروض الاحلام
يوم م بدر عينيكي اكتمل
ورحّل الايام
بين خطوط الهوى
وصواري الشوق
وطيفك مال واتلوى
وبص لفوق ولفوق
مسكت طرف النوح
وفضلت افضفض وابوح
في السر
وفوق خطوط العشق
بدرت بذور المر
اسقيها من شجر الحنين
واروض عينيكي
لاحلامي
وفي بساتين الهامي
اخليها كما شجر الدر
مسنود على عكاز الامل
اتنقل بين ايامي
اروض عينيكي
بالزجل
وارتجل
بحروف انغامي
واكتب فيكي واعيد
صور الشعر
والغنى
وكل فنون الترويض
ما بين الرجا
والمنى
اسوق عليكي
الاسى
واسوق عليكي
التعويض
اطلب من ربي
العوض
واطلب التفويض
افوض ربنا في امري
وف امرك ازيد
انا طوق النجاه
وانا الاتجاه
الوحيد
في طريق التوهة
وانا بوصلة
الرجوع
دليل العشق
في عيوني
وسكوني
بيكتب الموضوع
بقلم الترويض
لعشقك
وعشقك مش ناوى
التفريط
عصفور في اليد
اربح
من عشرين
ع الشجر
وبوصلة عينيكي
اوضح
من ضي القمر
وانا الوحيد
ماسك لجام الترويض
بين السبابة والابهام
وحروف الكلام
بين سطوري
تعيد وتزيد
كل فنون الترويض
مسنون يا سيف الهجر
ومش هتكون صايب
انا اللي باروض عينيها
بالرمش والحاجب
وما اقبلش اكون
في الترويض ابدا خايب
فرس خيال
وانا الخيال
ولجام قلبها
في الايد
باطبق عليه
كل فنون الترويض
٢٥/ ٠٥/ ٢٠٢١