بيت الأدباء والشعراء

استاذ فادي

قصيدة بعنوان…… أستاذ فادى

أستاذ فادى راح يتزوج
زى العاده فى صحبة أبوه
لبس البدله بكل لذاذه
وأما وصل ع الباب قابلوا
أهلا أهلا استاذ فادى
من فوق سطح الأرض شالوا
قصه ف كلمة فى كام حدوتة
فتح الموضوع وإستلموا
يعنى على الهادى ببساطه
من ساسه ل راسه فرزوه

قبضك سنك ساكن فين
بنتنا غاليه يانور العين
وأدى شهاداتها وكل ميزاتها
وإحنا بنشترى مش بايعين
شخلل جيبك راح تتقدر
زى ما باقى الناس ماشين
وأحنا معاك راضين بظروفك
ياك تقعدلك ست سنين
واللى شاريها يحضر ليها
دهب وقايمه وعفش متين
والزفه هتطلع من روكسى
وتعدى فى ميدان عبدين
والفستان لوكس من الاصلى
والقاعه تحجزها يومين

عم ابوفادى هرش ف دماغه
عدل لياقته وزبط حاله
بص ف ساعته وزغده نداله
يالا يفادى دى ناس مجانين
زفة ايه وشبكة إيه
ده أحنا غلابه ومش لقين
مش قولت لى دول ناس من توبنا
شاربين هم وسافين طين
وأما هندخل هيغنولنا
أهلا بيكوا وموافقين
دولا يافادى مش سكتنا
بكره هنعرف ناس تانين
ناس بتقدر مش بتسمسر
ولا بتغش البنى آدمين

كلمات الشاعر محمد ثروت

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: