بيت الأدباء والشعراء

كنت بحلم

((((كنت بحلم))))

كنت بحلم مره احب
هو يعنى الحب عيب
لم قلبى داق وحَب
قالوا سنك سن شيب
قلت حتى ف الخيال
قالوا صعب من المحال
صعب تجمع بين روحين
حتى لو كان في المشاعر
أو تشوف حلو الخصال
الكلام الحلو منهم
راح يكون صعب المنال
من غرام ام العيال
أو مشاعر م الجديدة

لو هربت انا همشي حافي
لو بشوقي ورغبة مني
قلت ليه الطيب احسن
خلي بينا الود صافي
فوت بجلدك م الجديدة
الدماغ هتكون عنيدة
إحنا لسه ع الحدود
قبل ماتزيد م الوعود

كنت بحلم إنى احب
والحريم غاوية العناد
راح تقول اسمر يالب
والمشاكل تبقى زاد
وابقى قاعد ع الحديدة
م القديمة والجديدة
والحياة تقلب لندب
أو تكون فترة حداد
كنت بحلم مرة احب

قلت أصلى ركعتين
وادعى فيها واقول يارب
ابقى روميو ولا عنتر
او حليم وعيون جريئة
أو تغيب الفكرة عني
ولا احافظ باقي سني
هو عيب ارجع وافوء ؟؟؟
أو أحب ف الحقيقة
هى تبقى النية سوء
لما أرجع ف القرار ؟؟؟
أوخيالى وشوق يهينِّي
وابقى سيرة لأي حد
ولا اغامر ف الدمار
يبقى طعم الجنة نار
لما يبقى الحلم جد
كنت بحلم مرة احب
غصب عني مش بإيدي
لما همشى ولا اسيبك
غصب عني مش نصيبي
ابقى روميو او حبيبك
أصل دا أصعب قرار
بس كان لي ب اختيار
حتى لو ف الحلم جالي
مش هاقيد من تاني نار
*****
جابر الأسد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: