بيت الأدباء والشعراء
زارني. القمر
قصيدة بعنوان…… زارنى القمر
زارنى القمر
وعمل أعجاب
وفتحت له
بإيديا الباب
قام بص بصه
سحرنى بيها
ومن ساعتها
أنا قلبى داب
وبقيت ليلاتى
على قلبه أنادى
مستنى يمكن
يبعت جواب
ويقولى ماله
كان إيه جراله
مسألش فينا
طول الغياب
ده البعد جارح
والفكر سارح
وأنا قلبى مش
حمل العذاب
مستنى يجى
يمسح دموعى
ويقيد شموعى
بعد الغياب
طول زياده
وسنين على دا
ويفيد بإيه
بس العتاب
على حبه ناوى
يجرح وأداوى
ولا يوم هاسيبه
لو شعرى شاب
راحوا ل القمر
وجابوا ف سرتى
وقالولوا ده العاشق كداب
وتركنى وحدى
أسير حيرتى
معرفش ليه
وأيه الاسباب
زارنى القمر زارنى
وأستغنى يوم عنى
وياريته كان قالى
صعب وعجيب
ظلم الاحباب
كلمات الشاعر محمد ثروت عبد الحفيظ
