بيت الأدباء والشعراء
يانجم ف السما
يانجم فى السما عالي
أرسل سلامي للحبيب
وقوله حبيبك الغالي
من غيرك كأنه غريب
سلملي عليه وطمني
ليه غيابك طال
سايبني فى دنيتي وحدي
وحالي حال
داريت الدمع فى عيوني
وليك ميال
تعبت معايا ترحالى
م أنا رحال
ساكن قلبي ووجداني
حنيني سال
فايض مني وعذبني
ما أنا حمال
حملت الشوق فى قلبي
ومافي وصال
خديني أعيش فى مرساكي
أوشوش موجك العالي
جايز يرأف بأحوالي
يوصل ليكي مرسالي
وكام سؤال
لايمته هتبعدي عني
وأنا مشتاق للحنين
تعدي الساعه تئلمني
وقلبي حزين
وبسمه مرسومه على خدتك
بنغزتين
يرفرف طيري ما الفرحه
يناجي العين
ويسرق منك النظره
صابوا سهمين
ورمش عيونك الجارحه
بقوا جرحين
جراحي شالة الفرحه
شافتهم دمعه فايته العين
نزلت على جرحي بتطيب
عاشق رحال
(((أسامه جديانه)))
