دنيا ودين

#القواعد_العشرة_لصيام_رمضان

كتب / عادل حمود

 

١_ افطر خفيف .. عشان تعرف تصلي وتروح شغلك تاني يوم لو عندك شغل

و تتسحر متأخرا جدا .. ومتنساش الزبادي

 

وخلي بالك قبل رمضان زي أيام رمضان يعني هنحافظ على التباعد الاجتماعي خصوصا مع كبار السن وحاول تأجل العزومات الكبيرة مع والدك او والدتك او الجدود والبس الماسك حتى في العزومات وخليها في الاماكن المفتوحة او افتح الشبابيك

 

٢- انت في أعظم أيام السنة يعني ركز في الصلاة او الصوم والصدقة وإمسك عليك لسانك إلا من الأذكار وورد القرءان والقول الحسن وخصوصا الأقارب هم أولى بالمعروف ..

وركز في الصدقة وخصوصًا في زمن الكورونا

الشغل قليل وفي ناس كثير شغلها وقف تمامًا

 

٣ _ لا تفتح التليفزيون..

وماتنشغلش بال trends كلها إعلانات مدفوعة لإجبارك على الرؤية عشان يشغلوك .. ولو الدنيا كلها بتتكلم اشغل بالك بالدعاء

 

٤ – طلع مصحفك القديم بتاع شهر رمضان من دلوقتي .. واستعيد الذكريات يابطل💪..

 

٥- الصيام بيكون عن

أ. الطعام

ب. الشراب

ج. الشهوة

الشهوة أخطر من الطعام والشراب.. ولو ما كانش فيه فايدة من الصيام بتحصيل التقوى فماهي الفائدة؟؟

 

٦- النظر للمحرمات ليلا كالنظر للمحرمات نهارا ورب النهار هو رب الليل .. والنت المحرم في أيام رمضان زي النت المحرم ليلا في رمضان وغير رمضان

 

٧- فرصة عظيمة تتعرف على نفسك بجد

في أحلى أيام السنة وفيها العشرة الآواخر وليلة القدر .. ناس كتيييييير بدأوا من حياتهم في الدعاء زي الأيام دي وربنا فتح عليهم بعد كدة …

( أنا واحد من الناس دي ) ..

عشان كده والله والله خير الدعاء دعوة الصائم

 

٨- بالله عليك إن كنت ستبتلى برؤية المسلسلات و البرامج وغيره بالله عليك بالله عليك .. بالله عليك كمان مرة لا تنشر ذلك على صفحتك ولا تشاركه الناس .. ممكن تشغل حد .. أو تضيع صيام حد .. الناس عندها فضول تعرف .. بس ماسكة نفسها .. أنت بتكون سبب في كدة ..

 

٩- راعوا جيرانكم الأرامل والأيتام والفقراء وبلاش أفصل أنتم فاهمين ..

 

١٠- في حاجة كلنا بنغفل عنها وهي ( كثرة الدعاء والمناجاة ) مش معنى إنك دعيت في يوم يبقى خلاص!! لا الدعاء وقت السحر.. وقت الإفطار .. بعد ورد القران .. وأنت ساجد .. قبل المغرب .. وماتنساش تدعو للمرضى في المستشفيات خصوصا القلب والسرطان …

وأهم دعوة إن ربنا يرفع عنا الوباء والبلاء

 

اللهم إنك عفو تحب العفو فعفو عنا

اللهم بلغنا رمضان وليلة القدر قيامه وصيامه ..

والسلام ختام ..

 

دي تذكرة لي أولا ( ووالله أنا أحوج الناس بها ) ثم لكم أحبابي المتابعين والأصدقاء وانشروها….

Ahmed Elshony

محرر ومسؤول نشر فى جريده الجمهور العربى كليه اللغه العربيه شعبه التاريخ والحضارة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق
%d مدونون معجبون بهذه: