بيت الأدباء والشعراء

غول الفساد

بقلم محمد عناني

غول الفساد
غول الفساد صاحى مانام
بين مُرتشى وخاين هُمام
وسطينا عايش فى الزحام
ناس كتير وياه فى خصام
دايما معاه فى حالة صدام
وبعض ناس فيه انسجام
بينها ومابينه حِبَاَل غرام
شايفاه رقيق زى الحمام
رغم إن فى إيديه السهام
وِضَربُه إِيِه تحت الحزام
فى قَطر ماشى أو الترام
ومآسى غيرها تسيب آلام
وجراح مايوم ليها إلتئام
تحجب نهارنا بسود غيام
نشوف معاها النور ظلام
أرواح تضيع والله حرام
أصل الفساد دا غول وقام
وِفَات خَلاَص سِن الفطام
دا بير غويط وفيه سُخَاَم
ماعادش ينفع فيه الكلام
وعتاب لبعض أو الملام
ومسكنات وحبوب وئام
لازم ياناس مسك الزمام
للفساد لابد من هدم المقام
نقلع جدوره بجد ولانعدام
أمورنا يومها تبقا فى التمام
محمد عنانى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: