بيت الأدباء والشعراء

عمي

فاطمه امزيل

عمّي

( من زجليات فاطمة امزيل )

عَمّي بُويا

ؤُ كْتابْ فَلْقلبْ يا ناسْ

زاهْرَه صَفْحاتُو

مَنْ صُغْري عْرَفْتُو

ؤُ فاضْ فْنَفْسي إِحْساسْ

اللِّي عَنٔدو عَمّْ سَعْداتُو

عَمّي تاجْ

يَتّْحَطّْ فُوقْ الرّاسْ

ؤُ يْزيدْني فَخْرْ بْصِفاتُو

مْحَبّْتُو شَجْرَه مْجَدّْرَه

ما تتْقَلَّعْ وَلَوْ بَالْفاسْ

ؤُ الرُّوحْ بالصّْفا وَلّْفاتُو

عَمّي دَمّي

ؤُ مَهْما يْقُولُو النّاسْ

اهْدَاني مَنْ عَمْرُو ؤُ وْقاتُو

ظَلُّو كَافِي 

يْبَعَّدْ عْلِيَّ لْباسْ

ؤُ تْزَيّنْ طْرِيقِي خَطُواتُو

عَمّي فَرْحَه

إِتَّوْزَنْ فالْخَاوا بَالْمَاسْ

ؤُ كَلْمَةْ خُويا بْنُورْها سْقاتُو

يْبَدَّلْ عَ لِّيّامْ

صُحْبَه ؤُ رْفاگَةْ نَاسْ

ؤُ يَبْقَى بُويا أَعَزّْ اخْواتُو

عَمّي نِعْمَه

ؤُ كُلّْ عَمّْ بْلاصْتُو مَا تَتْقاسْ

ؤُ اللِّي مَا عَنْدُو عَمّْ

نَاقْصَه حْيَاتُو

تحيتي لكل الْأَعٓمام 

فاطمة امزيل سفيرة المحبة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: