بيت الأدباء والشعراء

مفيش فايدة

بسام ابو مصطفي

💜مفيش فايدة💜

              *********–****–*

يادنيا الموت ب أقول لك إيه 💎 أنا عارف خيانتك ليه

عشان شايفة معاني الخير 💎 بتتلاشي ف ولاد الإيه

خلاص فضوكي يادنيا 💎 ومالينك حاجات تانية

تخليكي تخوني الناس 💎 ورغم الود والإخلاص

                        بترميهم ف نار قايدة

ولو قدروا علي نارك 💎 يلاقوا الموت علي بابك

                      يقول ليهم مفيش فايدة

                  ***********************

                  مفيش فايدة ف بني إنسان ليوم الدين

                  خلاص راحت وأصل الطين ح يفضل طين

                        ماخدناش من سواد الطين سوي لونه

                           وخلينا قلوب الناس علي لونه

بنقتل كل يوم فينا 💎 وبنخبي أسامينا 

                  عشان فينا ملامح خير

ف توب الباشا والهانم 💎 بنتداري ونتقاسم

                 وأخر شئ حقوق الغير

               **********************

                 حدود الدنيا محدودة ومجهولة

                  بتنهش كل يوم فينا كما الغولة

               هادينا الدنيا ب إيدينا لشيطان أخرس

                  ولو طيب يقول إزاي نقول إخرس

زمان الخير خلاص ولي 💎 ح تفهم طبعها ولا 

                  نعيد الدرس م الأول

ياطيب شوف زمان طيب 💎 زماننا كله متعيب 

                   ولو مش قادر إتحول

                ********************

              حرام تجري ورا أوهام وناس واهمة

               يا إما تعيشها مش فاهم لناس فاهمة

                    يا إما تقوللي م الأخر أنا إنسان

                   كاسات الهم فاكراني وفاكرة كمان 

تصب الهم مية مرة 💎 وتسقيني سنين مُره

                 ومش حارماني غير الموت

لمين أشكي زمان جاحد 💎 ولو ح أشكي مفيش واحد 

                 ح يسمع شكوي كاتمة الصوت

               **************************

                 يا عالم بكرة ح تعيشه قلوبنا إزاي

                     سواد الشر ف قلوبنا مخلي الجاي

                  مالوش معني وأوصافه كلام مجهول

                  مالوش توصيف ف دنيانا ومهما نقول 

ح نفضل كل يوم أسوأ 💎 وملناش ف الحياة مبدأ

                    كأن خلاص مفيش أخرة

يادنيا خلاص مفيش داعي 💎 سيبيني أموت ب أوجاعي

                  وخلي حسابنا للأخرة

 

💭 أشعامفر : بسام أبو مصطفي 💭

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: