بيت الأدباء والشعراء

حنه الشوق

بقلم احمد يمان

حنة الشوق

بقلبك همك و أكبر 

يمكن دمعة أو أكتر 

اترك الملك للمالك 

بعد ليلك الحالك 

بعد ليلك المخنوق 

لو بات القلب محروق 

إلا ما يطلعلك شروق 

قالولي جيبك فاضي 

زعلان و مالك راضي 

عم بتعدك ليراتك 

بدها تعوض ما فاتك 

شقدها فقيرة دياتك 

شقدها صعيبة حياتك 

مايل حظك الخلقة 

لا أكلة و لا … خرقة 

و لا تصميدة و لا مونة 

و لا محسودة و معيونة 

رجعلي هداك الدفتر 

قبل الفورة و العسكر 

قبل الحاجة و القلة 

قبل الندرة و الذلة 

قبل الصيحة الملعونة 

قبل الهجمة المجنونة 

وطي لملم دموعك 

حبس همك بضلوعك 

ولادك سافروا و غابوا 

حتى بالصور شابوا 

غصب بلعنك القصة 

مزروعة فيها غصة 

بعدك محقن وجع 

نفعك و لا ما نفع 

يا ذكرى بعدك جايه 

عيدي بالله الحكاية 

هاد الوطن و أحواله 

سرق الموت أجياله 

كان الخير مكفيهن 

بحضنه كان مغطيهن 

كفرنا بالبلد و دينه 

شو كنا مفكرينه ؟؟ 

أخرس أطرش ما بيحس 

حتى ندوس قوانينه ؟

كنا صغير حاسبينه 

معتم ليله و جبينه 

و هلق لما منا راح 

حرمنا اللي كنا حارمينه 

حرمنا حب و إخلاص 

هيك عملنا بالأساس 

آسف وطني زعلتك 

آسف بلدي وجعتك 

و هلق الوطن بحاله 

شقد كنا … نغتاله 

قام حرمنا تشارينه 

الخير اللي كنا بايعينه 

حسرة شو رخص دمه 

بعنا حتى … شرايينه 

ادعي لربك … منرجع 

تسكت حمقة المدفع 

يا جنة الشوق بحينه 

لو شي كمشة من طينه 

جاي ع بالي … اتحنى 

لو شي كمشة من طينه 

جاي ع بالي … اتحنى 

لو شي كمشة من طينه 

#بقلم_المحامي_أحمد_يمان_قباني

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: