Uncategorized

شهد الغرام

بقلم حسن حنفي

شهد الغرام

…………..

لما أكون عاوزك لوحدي 

ما تقوليش عني

 اناني

واما أعيش الصبر

وحدي

وأملا من دمعي

 الأناني…

لما خدك ينسى خدي 

و الشفايف من 

 ثواني

تيجي تشهد صب وردي

جوه بستان 

م الأماني…

مش هقولك لأ كفايه

خلصت البسمه 

بشفايا

وأما أقولك مش معايا

وتبوسيني برده

 تاني

………

لما أحس بسحر حضنك

يملا قلبي بالحنين

بعدها من همسه منك

يفرح القلب الحزين

أو عصير الشهد يروي

حلق جف من الأنين

بسمه واحده

 تكون كفايه

غمزه من عينك

 دوايه 

ضحكه فيها 

تمام شفايا

هنسي أصلا

أسمي مين

…..؟

لما أغيب واسكر ساعتها 

أوعي لحظه تفوقيني

نامي جنبي واشربي

من نفس كاسك دوقيني 

صبي تاني .. ايوه تاني 

وإقربي لي و قربيني. 

هاتي رمشك 

واجرحيني 

وأما سهمك يطعن الصدر بقساوته 

هاتي غيرتك واقتليني

وافتحي قلبي اللي حبك

وأساليه…

فتشيه

لو بيعشق حد غيرك

موتيه

وان سبت لك لحظه إنه 

مش بريء .

صبي دمعك واحرقيه 

هاتي آهاتك تشعلل له جداره

سيبي نارك 

تحرق الشوق ومراره. 

هِدِّي داره..

وان لقيتي ان عشقك كان قراره.

يبق لازم تحضنيه

أرحميه يا ضي عيني.

امنحي لنفسك برائتك واسكنيني 

وإرقدي 

جوه الضمير، 

و ونسيني

واشربي من قلبي عشق 

و شربيني 

وأوعدك لو دقتي قطره

م إشتياقي والحنين

تنسي أصلا

لحظه اسمك

انتي مين

…………….

حسن حفني

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: