بيت الأدباء والشعراء

بحبك يا امي

خالد وديع

بحبك يا أمي وبقبل إيديكي 

بحبك يا أمي وبموت فيكي

وعايش حياتي تحت رجليكي

وبتمنى طول العمر ارضيكي 

يا عاليا في السما

ومين في الحب يوصل ليكي

 

بحبك يا أمي حب غالي

ما يتقلش بثمن

حب لا يمكن يمحيه

ولا مليون زمن 

 

 و بوعدك وعد ربي

والعالم شاهد عليه 

طول ما انا في الدنيا عايش

روحي وعمري هيكونوا ليكي

وفداكي وتحت رجليكي

ما إنتي أمي وحبييبتي 

وكل ما ليا 

وياما سهرتي وتعبتي 

علشان خاطر عنيا

لجل ما أبقي راجل وتعتمدي عليا

 

بحبك يا أمي وبقبل إيديكي 

بحبك يا أمي وبموت فيكي 

وعايش حياتي تحت رجليكي 

ودي حاجه بسيطه

من الدين اللي عليا

وحقك أشيلك في قلبي

  و جوة عنيا

و أقدملك روحي 

 علي طبق هدية

واقولك إتفضلي يا مولاتي 

فداكي روحي فداكي حياتي 

 

بحبك يا أمي يا أطيب قلب 

بحبك يا نبع الحنان والحب 

بحبك من أول دقيقة 

  ليا في الدنيا 

بحبك من أول ما فتحت

  عليكي عنيا  

وشافت فرحتك بيا 

بحبك يا أمي يا كل ماليا 

يا حبيبتي ونور عنيا

يا شمس حياتي وقمر لياليا

 

بحبك يا أمي وبقبل إيديكي 

بحبك يا أمي وبموت فيكي  

وبقدم حياتي فداء ليكي 

وعايش حياتي تحت رجليكي 

ومين في الحب

يتساوى بيكي 

ياللي كبرتي

وربيتي وعليتي 

وسهرت ليلك ماكليتي 

ولو قولت ايه فيكي

ولو عملت ايه ليكي

ولو طول عمري

عشت تحت رجليكي

برضو مش هاقدر

بحقك أوفيكي  

ربي يحميكي ويحفظك

ويخليكي 

 

بحبك يا أمي 

 ومحتاج دعواتك ليا

ما انا من غيرك

 الدنيا تسود في عنيا

ياللي برضاكي أبواب الدنيا

والجنه تتفتح ليا 

ياحبيبتي واغلي ماليا

 

بحبك يا أمي

وبتمنى رضاكي عليا 

بحبك يا أمي وبدعي ربي 

 يحفظك ويخليكي ليا  

يا عاليا في السما

ومين في الحب يوصل ليكي 

بحبك يا أمي

 و عايش تحت رجليكي 

 

قصيدة /بحبك يا أمي 

شعر/خالد وديع 

إهداء إلى أمي و كل أم في مصر والوطن العربي في عيد الأم 

أتمني تعجبكم وتشاركوني برأيكم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: