بيت الأدباء والشعراء

ربنا يهديك

بقلم صفاء عبد ربه

ربنا يهديك 

***********

كنت بخاف عليك من نفسك 

وأدعي ربنا يهديك 

أتاريك جاحد أناني 

خونتني 

والعشره ماتمرت فيك 

كاره لنفسك 

دعيتلك كتير 

ومادعوه تقبل ليك 

نكرت خيري وخوفي عليك 

وكل ماأقرب منك 

ألاقي الحقد ماليك

وحياة غدرك وصدك ليا 

وحياة غدرك وصدك ليا

وكل إللي عملته فيا 

وإللي أنا عملته ليك

لأقتل شوقي وحنيني إليك

وراح أبعد بعيد

بعيد وأنساك

وأتحداك 

أتحداك إن عشت بعدي سعيد

راح تزلك الأيام

والكل يشمت فيك

وهتلاقي نفسك لوحدك

ولا إيد تتمد ليك

راح تتمني تبكي

والدموع تتحجر في عينيك

قلبك راح ينزف 

كل إللي عملته فيك

وذكريات شوقي 

وحبي وحنيني ليك

أنا مش هاادعي عليك 

وهادعيلك ربنا يهديك

يحفظك من نفسك 

ويقتل الشر إللي ماليك

ربنا يكفيك شر نفسك

وإللي عمله شيطانك فيك

 

صفاء عبد ربه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: