قلم عتيق

…قلم عتيق…
..مزاجه يُلضُم فى الحروف..
..وسط دنيا مشخبطه..
..له حروف عقيق..
..تتغزل حسب الظروف..
..وحروف تانيه مظبطه..
..حروف تغازل تعرف تنازل..
..بدون عصا بدون سيوف..
..مهما كانت محبطه..
..قلم برئ وساعات جرئ..
..كتير يدوَّر على الطريق..
..بس الأكيد..
..كلامه دايما فى المفيد..
..لاهوّه تابع او عنيد..
..ساعات كتير يعلّي صوته..
..يدق جامد على الدفوف..
..يقول يا ناس تعالوا شوفوا..
..كتِّر الكلام فوق الرفوف..
..فيه تجارب..فيه اغانى..
..فيه اماني..
..مكانى ..”دكان الحروف”..

خالد القصبجى