بيت الأدباء والشعراء

لحظه وداع

بقلم والي والي

لحظة وداع

   ******

ولحظتها………

أنا بوست إيديها ورجليها

وقفلت بإيدي أنا عنيها

مين في الكون يرجعها ؟؟

نفسي كنت أسمعها

دلوقتي جاي. أودعها ؟؟

مش حابص تاني في عنيها

مش حلاقي اللي يفهمني

ومين كان غيرها يطمني ؟؟

ومين أحكيله وأشكيله

ومين غيرها يعلمني ؟؟

مش حانتلم حواليها

مين اللي يطبطب ويدادي

مين اللي يلاعب في ولادي

مين اللي يواسي ويساند

ماهي كانت وطني وبلادي

مفيش غيرها ست الكل

كانت تقوللي صباح الفل

كانت وهي تعبانة

تقوم وتقوللي تعالي كل

أنا شفت الذل يا أمي

ياقلبي ياروحي يادمي

مين غيرك راح يشيل همي ؟؟

وحشتيني يانور عيني

ياكل حياتي وسنيني

ياعمري…….. ياروحي

يابلسم…… جروحي

يافرحي وشوقي وحنيني

أنا من بعدك ولا حاجة

عارف ..كنتي بس محتاجة

كلمة حلوة وبسمايا

شوية حب ورعاية

أنا ٱسف….يامايا

حاعيش العمر أبكيكي

وأنعيكي وأدعيلك

رب الكون 

تشوفي الجنة بعنيكي

والملايكة ترقيكي

وتجيني في أحلامي

عايز أبوس رجليكي

وحشتيني ياست الكل

بقلم ….إبنك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: