أمسحي دمعتك يامه وعليا ما تبكيش

هو إللي ليه مية مليون اخ حقه ما بيجيش

لا يا أمي ما تخافيش
ورايا ضهر وسند و في الجنه هاعيش

قولي لأختي تمشي مرفوعة الراس
ليها كتير غيري أخوات
حالفين بكل غالي يصونوا شرف البنات

و إن حد قالك محمود مات ماتصدقيش
أنا عند ربنا في جنته بعيش فماتبكيش

و إن كان على إللي ظلمني ماتدوريش

ومن بيتك ما تنزليش في ناس شايله ذنبي
ناس مابتختشيش

قولي لأمه حقي عند ربنا و صاحب الحق منصور ماتخافيش

قوليلها خافي لما تقابلي ربك عن أبنك وقتها ما تدفعيش
دافعي عن روحك و رحمة من ربنا ما تطلبيش
يامه ما تعيطيش

حسن سعيد ابراهيم
#العدل