بيت الأدباء والشعراء

نفسك فى ايه؟

بقلم مها ندا

 

نفسك فى إيه ؟
************
نفسك فى إيه ؟
سؤال سألنى حد عليه
وكان ردى
الحمد لله ولا أى شىء
كل اللى نفسى فيه
بعمله أو بشتريه
وهو مصمم لازم يشترى
دليل أنى عنده غالية
وأنه أبن أصول شهم وكريم
عشان ميعرفنيش
ولا يعرف نفسى فى إيه
دى حاجات تتحس ولا تتحكيش
نفسى فى حب وأمان
وحضن دافى من بتوع زمان
وأنا وسط أهلى أعدين بالنهار
بنتسامر ونحكى فى جد وهزار
أو سهرانين كل ليلة
على السحور
فى ليالى رمضان الجميلة
أو أعده مع شلة صحاب
بقلوب صادقة وأمينة
ولا يقول حد منهم
الزمن والأيام غيرتنا
لا أحنا أحنا مهما كبرنا
لا يوم نفترق أو حتى ننسى
عشرة سنين من لما كنا صغيرين
وأقولك كمان
كان نفسى زمان فى أسمر طويل
على ذقنه طابع الحسن الجميل
وعلى خده غمازتين
وطبعه شرقى صعيدى أصيل
لكن حنين ومن أصل طيب
يزعل كتير ويغير من أى شىء
بس القلب جواه ولا قلب طير
وياه أعيش و على الراس متشالين
بس خلاص هنقول إيه ولا إيه
جت الرياح وغرقت الأحلام
و أتبدل وأتغير كل شىء
وكل اللى تتمناه وتشتهيه
بقى صعب تتحصل عليه .

بقلم /مها ندا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: