بيت الأدباء والشعراء

انا شاعر وبالفطرة

انا شاعر وبالفطرة
وفي كلمة تجيب فكرة
ف الحنها واسمعها كدا بودان
تصحي النايم السكران
وتبقى دماغى ف الروقان
ولا متنرفز ولا زهقان
ومش واقف عشان اشعار
وعامل م البحور أدوار
واعشقهَا مع القافية
دا لما البال يكون عشقان
ودماغى تكون صافية
ولا بحفظ فى راسي نصوص
واقرأ الفكر من ورقة
مفيش ساكنة مفيش حركة
موسيقى العشق ف وداني
وعجبانى وشغلانى
وبصنعها لشوق مخصوص
واعيد الشطر من تانى
فيشجينى ويسكرنى
ولا يعانى
فيظهر مرة ف رسالة
يبين حرفها المحسوس
ولا مرة اكون مغرور
ولا بكتب يا ناس بفلوس
واعيش الحب وف حالة
ولا بحقد ولا مهووس
وتلقى رسالة جوه سطور
اشجعها وبالإحساس
فى معناها بلاقى الخير
ويكفيني أكون مستور
****
جابر الأسد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: