بيت الأدباء والشعراء

كلمين شارد بالدجي

–==0==– كلمين شارد بالدني –==0==–

ه——————————————-ه

كلمين شارد بالدني بيغزل

عادولابو

—==0==— لاتنكز قلب ويفيق عافرقة حبابو

*****ه

خلي القلب غفيان وساكتة

جراحو

—==0==— بتعرف ياقمر عالبعد شو صابو

*****ه

بليلة عتم فلو تحت الشتي

راحو

—==0==— بلشت دموع الشوق تدّون كتابو

*****ه

يقاوم بحرف الامل حاملا

رماحو

—==0==— بلكي بيرجع يوم يددق على بابو

*****ه

حملو الفقر شنتة وين

ساحو

—==0==— بيسرح ورا البحور بيفقد ل صوابو

*****ه

شوفي بيوت بالضيعة طفيو

لمصباحو

—==0==— غير المطر والشوب والعت مانابو

*****ه

وحامي للوطن هونيك سهران

عاسلاحو

—==0==— كل يوم امو المسا بتشمشم تيابو

*****ه

وهونيك في عاشقة عطورها

فاحو

—==0==— سافر حبيب الروح وطول غيابو

*****ه

وام الشهيد من البكي عيونها

ارتاحو

—==0==— بدم الطهارة للوطن عطر ترابو

*****ه

وختيار بالحارة المرض كسّر

جناحو

—==0==— هدد بحيلو الزمن والشعرات شابو

*****ه

حتى ملعب الحارة نسيان

افراحو

—==0==— ياترى وين الزغار ال بيلعبو غابو

*****ه

كلمين بهالدني مهموم بيغزل

عادولابو

—==0==— يحيّك قصيدة اااااااه عافرقة احبابو

*****ه

ه~~~~~~~~~~~~~~~~~~~~~~~~~~~ه

صباحكم همسات الشوق

صباح الامل واللقاء

اصدقائي صباح

الانتظااااااااار

ه———————————————-ه

الشاعر السوري المهجري – د اليان سمعان

سفير السلام في كاليفورنيا – الولايات المتحدة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: