بيت الأدباء والشعراء

رباعيات الأحزان ( للحزن في قلبي مكان ) بقلمي محمد عطية محمد 2/3/2021

بقلم الشاعر محمد عطية محمد

 

رباعيات الأحزان
( للحزن في قلبي مكان )

آخر مرة أشوفك فيها

قولي أزاي

أبعد عنك وتبعد عني

عمري الجاي

صعب عليا ومش بإيديه

أكون نساي

جوه قلبنا هتفضل باقي

تملي معاي

عشرة عمري أخويا وصاحبي

الغالي صلاح

كل ذكري كانت وياك

مش بتموت

لسه فكرها كأني معاك

بهمس الصوت

كل لحظة تعدي في بعدك

صعب تفوت

والله وحشني طيبة قلبك

فرقنا الموت

عشرة عمري أخويا صاحبي

الغالي صلاح

صبر قلبي في بعده كسرني

حنيني إليك

والأيام هتعدي حزينة

بشوقي ليك

هتفضل صورتك جوه عنيا

تفكرني بيك

عشرة عمرى أخويا صاحبي

الغالي صلاح

أنا بدعيلك ربنا يغفر

كل ذنوبك

تبقي الجنه سكنك دارك

تكون مكتوبك

يالي الطيبه تبان في ملامحك

وجوه عيونك

كل العمر الجاي ميساوي

يوم من يومك

عشرة عمري أخويا صاحبي

الغالي صلاح

كلمات الصدق
فارس الليل الحزين
محمد عطية محمد
2/3/2021

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: