بيت الأدباء والشعراء

تختفي. وانا

نظرة عينيك
نظرة عينيك … ملينا خوف
أجري وأجيليك … وأنا ملهوف
وأما خلاص … يطمن قلبك
تختفي وأنا … من دمعي ما أشوف

أرجع وأمشي … طريق وحداني
وأنتي كأنك … في عالم تاني
وأما في قلبي … انا بحفر اسمك
يمسح جرحك … أغلى معاني

أبعد يمكن … أكون غلطان
وأوهم نفسي … بغلطي كمان
وأما أشك للحظة … في حبك
أكدب نفسي وأقول … ده شيطان

وأفضل أحاول … مرة ومرة
وأرجع تاني … أعيد الكرة
وأما أسلم … أني بقربك
ألقا ما بينا … ألف مجرة

بس خلاص … من عينيك ههرب
ولا راح تاني … أحاول أقرب
وأما ضميري … يلومني بذنبك
هدفنه حيي … ومش هستغرب
خالد المنصوري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: