همسات ذكريات الزمن

همست ذكريات الزمان
ويا قلبى و الفصول
مرت ايامى القديمة
بالشقاوة والحنان
بالموسيقى والشجن
بدلت كل الحروف
جامعة لدروس الزمن
دمعة باينة جوا صوتى
جوا سنواتي العجاف
ضحكة فاضحة لون سكوتى
ضحكة خالصة ف الخلاف
لما قلبى بعينه شاف
الخيانة من صديق
واختلافنا ف الطريق
واللى عايز فرحة لى
واللى صوته كان جرئ
واللى يبقى ناوى موتي
لما حس اني البرئ
كلها ف الذكريات
مرة بارسي ف شط آمن
ومرة أحس إنى الغريق
دار شريط العمر بيَّ
بالحنان وياالقسية
بالتحدي ويا نفسي

والأصول فيَّ الأبية
يوم اعافر يوم اقاوم
والنهاية هي هي
حلقة هامة ف الفصول
او نهاية لمسرحية
المهم ف الحكاية
ف النهاية
المبادئ ويا روحنا
والصفاء جوه القلوب
والرسالة تكون نقية
حتى من بعد الغروب
******
جابر الأسد