Uncategorizedبيت الأدباء والشعراء

وليه تحلم

بقلم عزة احمد ابو زيد

وليه تحلم
وجوه الحلم لوغاريتمات
وناس عايشه ف بيت دوشه
وناس بالهم تصحى تبات
وحيطان البيت المدهونه
رغم التجميل السر خطير
متخبي ف بير
انا عايش ولا ماليش لازمه
وصحاب يتلفو بميت حزمه
ولا رأيه يفيدك ف الازمه
بتفكر يمكن فى الماضي
وف عز الليل تعمل قاضى
ومن تحتك نار تلاقيك
عايم ضدد التيار
ونحس ساعتها كتير تايهين
والعشق حزين وعليه اسوار
واقف علي رجلي وبتمني
ودعاية لنفسي ب الجنه
واعيش متهني واغني
ع اورج ف بيتنا متغطي
وشريط الذكرى بيتخبى
على رف النيش وبنادى
يا دنيا ياريت تيجى
برضه ما بتجيش
الحزن المتدارى كفنه
عسكرى فى الجيش بقى
اسمه شهيد بيحب جديد
طب ممكن اتكلم وياك
واقولك كل ال ف بالي
وعيوني مخبيه الصدمه
والموت بيحاوط ايامي
صحيح انا رافض للمبدأ
والكدب شيفاه بيتحقق
أسرارك مطحونه ف قلبك
والرعشه الساكنه التعويزه
والنجم اهو ساطع قدامي
واخد فيزه ورايح لبعيد
مع لقمه بسيطه
وبتحلي ف سنين ايامي
المطحونه
ومنصه عليها كتيير تهليل
بتغمض عينها والاونا
والحق مالوش ابدا تفسير
بضمير تعبان
والكل يههلل للباطل
وانت الغلطان
ليه صدقته الحلم الجاى
الدنيا بحالها بتعزف ناى
وحقيقته المربوطه
على فكره
بتدون جوه عيون الليل
واللمه دى ليها الف دليل
دليل وياك وتأني هلاك
بيقدم خدمات معانيه
تسعيرتك هتكون جبريه
والفرق ميزان وانت الغلطان
والكلمه المكتوبه بقلبك
بتدندن ف بحور الايام
وبتعزف حزنك أغنيه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: