🌹 وإيه ح يكون🌹
***–****—***
و إيه ح يكون جزاء الغدر إلا الغدر
و إيه تسوي سنين الفرح 🗨️ ف يوم ما يكون ختامها المر
فقدتو السمع ولا الشوف 🗨️ ما ليكو البطش ولا الخوف
أنا بسألكو إنتو و بس 🗨️ و مين بإيديه ح يخفي الشمس
و يحجبها عن الأنظار
قتلتو البسمة جوانا 🗨️ و مين بالفرحة يملانا
و يرسم لينا أي نهار
***********************
زمان كنتو ب إحساسكو مفيش منكو
حبايب لينا ف الدنيا و عاشقنكو
و دلوقتي بقيتو ناس بلا إحساس
ضماير سودة غاوية تدوس رقاب الناس
عشان دنيا قتلتونا 🗨️ و بين أحزاننا سبتونا
نعاني الغربة والوحدة
عملتو ليه كدة فينا 🗨️ و شوهتونا ب إيدينا
و جبتو منين قلوب جاحدة
*************************
قصاد الود ف قلوبنا لقينا خداع
أتاري الدنيا مش دنيا و لابسة قناع
ما بين الكلمة و الكلمة حروف وسكوت
و كاس السم ف إيدينا بلون الموت
أنا أسف بلون الدم 🗨️ خليط م المر ويا الهم
بيقتل فينا معني الآه
و نتسائل عملنا إيه 🗨️ و خدتو من ورانا إيه
يا أسوأ ناس ف كل حياة
********************
يا صوت إبليس ف كل خسيس تحياتي
أنا الحاضر أنا الماضي أنا الآتي
ح أحارب كل صوت إبليس علي أرضي
و ح أرسم صورة للإنسان و أعيش مرضي
و ح أتحداكو مهما يكون 🗨️ و أزيلكو من ربوع الكون
و ح أرسم صورتي بالألوان
دليل إني معاديكو 🗨️ ورافض كل شيء فيكو
وح أفضل مهما كان إنسان
🗯️ أشعار : بسام أبو مصطفى 🗯️
