ها أقول
أنا لو ها أقول فيكى ها أقول
وها أقول كلام مش أى قول
ما أنتى لجمالك نطق الحجر
وإتجننوا صحاب العقول
معقوله كل الحُسن ده
مِحتاج لقول ؟ معقول ؟
========
شايف جمال ربى يصـونه
من عين حسود تلمع عيونه
الشعر أنعم م الحرير
لو داعبته النسمه يطير
ينزل على عيون حُسنها
خلى القمر فى عُلاه يغير
يبقى الجمال ده محتاج لقول ؟
معقول
========
ماشيه بدلال
خلى الشجر مالت غصونه
والورد كان الله فى عونه
من حسرته إحمر لونه
غزال وعارف هو مين
مين قده مين ؟
معقوله يبقى القد ده
محتاج لقول ؟
معقول
=========
تسمع كلامها ورقته
تلاقيك أسير فى محبته
تنام تقوم تغرق تعوم
واخدك فى حلم ببسمته
دا عليه رموش زى السهام
ونظره تاه منها إللِجام
بقى مُش حرام ؟
يبقى الجمال ده مِحتاج لقول ؟
مَعقول
========
محمد عبد المنصف
