حكايات خالتي بمبه

السلام عليكم ورحمة الله وبركاته
اسعد الله اوقاتكم بكل خير أحبائي
اليكم الحلقة رقم ١٤ من حكابات خالتي بامبة
تعالوا نشوف خالتي بامبة هتكلمنا عن ايه الليلة.
مساء الخير والسعادة على الناس السكر اللي مزاجها عالي ودماغهم متكلفه والتكليف غالي.
هتقولولي بتتكلمي كدا ليه يا خالتي بامبة هقول لكم لاني بجد زعلانه
ونفسيتي تعبانه
ايه اللي احنا وصلنا له ده من الانفلات والانحلال الاخلاقي من الشباب والشابات اقصد الأنثات .
مستغربين اني بقول كدا طيب بالله عليكم ايام زمان اما كان الشاب من دول يشوف ابوه او اخوه الكبير ماشي في الشارع وصادفه وهو كان بيشرب سجاير كان بسرعة يرميها ويدوس عليها احتراما واجلالا لابوه او اخوه واذا كان قاعد يقوم يقف احترام مش خوف
غير كدا كان مستحيل الولد يشرب سجاير الا اما يخلص تعليمه ويشتغل بعد كدا يفكر يشتري سجاير من مرتبه لزوم اكتمال الرجولة .
ده كان اعتقاد الناس بتوع زمان
انما طبعا عارفين اضرار السجاير والبلاوي اللي بتعملها في الجسم وخصوصا الرئة بتدمرها نهائيا
بس برضه مش ده موضوعنا ولا ده اللي مزعلني وقاهرني يا جماعة المشكلة بقت اكبر من كدا بكتير
المشكلة ان الحياء والخشى واحترام الذات انعدم
كنا زمان اذا قابلنا مدرس من اللي بيعلمونا في المدرسة نقف في مكانا ونضرب تعظيم سلام للمدرس ده لاننا اتعلمنا كدا
قف للمعلم وافيه التبجيلا…. كاد المعلم ان يكون رسولا
دلوقت المدرس ماله اي احترام بل فيه كمان شباب بتطاول على المدرسين بالسب وكمان مد الايد .😓
لازم نقف هنا ونعرف ايه اللي حصل وضيع هيبة المدرس وقضى على شعرة الاحترام اللي كانت بينه وبين الطالب ؟
😥😥
دي حاجه
وحاجة تانية مش قادرة افهما ولا عقلي يستوعبها وهي دي بقى فعلا اللي قهراني 😫
هي البنات اللي بتقعد على القهاوي تشرب سجاير وتشيش 🤔
بالصدفة ماشية في الشارع ولقيت القهوة اللي على ناصية حارتنا قاعد عليها شلة بنات لبسين بنطلونات مقطعة وحطين رجل على رجل وكل واحدة قدمها شيشة وعمالة تشرب وتكركع على اخرها والدخان يخرج من بوقها ومناخيرها 😤😱
وقفت اتفرج وانا عنيه هتبظ مني 😳😵
وبنت تانية بتشرب سجاير وقزازة البيرة ع التربيزة جنبها ياخرابي يالهوي 🙄🤫
فين اهاليهم وهل ياترى عارفين بناتهم فين في الساعة دي وبيعملوا ايه 😏🤔

المهم وقفت اتفرج وحتى من صدمتي نسيت انا كنت رايحه فين او جايه منين
لقيت الدم ضرب في نفوخي وعقلي شت مني ومابقيت عارفه اناةبعمل ايه 😚😁🤯🤭
هتعملي ايه يا بامبه هتشوفي الوضع ده وهتسكتي وتمشي وتقولي دع الخلق للخالق ولا هتصرفي ازاي 🤔
لاء طبعا ماينفعش اسكت وكمان ماينفعش اشوف الغلط وماحاولش اني اغيره وارجعه لطريقه الصحيح
جريت على البنات وقلت اتمالك نفسي واحاول اتكلم معاهم بصوت هادي وافهمهم غلطهم بالراحه واخليهم يفهموا ان اللي بيعملوه ده عيب ومايصحش وانه غريب على مجتمعنا ومش من عاداتنا ولا تقاليدنا اللي اتربينا عليها؟

لسه باكمل كلامي معاهم واذا بواحده من البنات دي طالعة فيا وقيلالي وانت مالك يا حاجه بتتدخلي ليه في اللي مالكيش فيه
وبجحت فيا ونهرتني وقالتلي اتفضلي من هنا
رجعت البيت وانا زعلانه اوي ومتضايقه من الموقف ده
فين الحياء وفين الاحترام وفين وفين وفين
ايه غيرنا وخلانا بالشكل البزيء ده المقزز هل مفهوم الحرية والتحضر والتمدن اتغير ولا انا واللي زيي بقينا دقه قديمة
….. ياعينـي عليــــــا……
#بقلم_حنان_محمدعبدالعزيز