بيت الأدباء والشعراء

اعتبر علي مين

الجزء الثالث عشر (اعتب على مين)

اعتب على الزمن اللى محسبتوش فانى؟
اعتب عليه؟ وعلى انه ورانى تقليد انانى؟
ورانى ام باعت بنتها ..كانت بنتها شريانى
علمتها تكون لغيرى ..علمتها كمان تقدر تنسانى
مايمكن عندها حق.. وانا اللى فى شىء مش واضح قدامى
ولا اعتب على الايام؟ انها جت بدرى بنص ليا تانى
وبعد ما القسمه حكمت رجعت وخدتها من تانى
ولا اهين حبيبى اللى ماكنش يعرف الغدر يا زمانى
واللى قصرت عليه دموع ام.. اللى قالتلها ان عشت يوم ماضمنش التانى
بيعى الدنيا.. وبيعى كل ما فيها علشان اخواتك وعلشانى
ورسمتلها صوره الناس وحوش
وصدقتها البنت وراحت فيتانى
يبقى اعتب على مين؟ على يومى ولا امسى؟
ولا اعتب على حبى.. ولا افوته كده وامشى
ولا اعتب على ام جرحت ولا تندمشى
ولا اعتب على بنت خانت؟ وقالتلى والله ما اعرفشى
الخيانه كلمه كبيره.. وانا مقصدهاش.. ياعيونى ياليلى يا شمسى
انا اصلى صغيره وللكيد يا عمرى ما اعرفشى
معرفشى غير أحبك لكن ع المواجهه مااقدرشى
والرفض مقدرتش اقوله لسانى يُسكت ولا يتكلمش
يبقى اعتب على مين؟ على بنت مفيش على لسانها غير ما اعرفشى
ولا اعتب على نفسى؟ وانى حبيت مين للمعنى ما تفهمشى
اقول ايه؟ اقول ان اللى حبتها مقدرتشى
تقول انا بس حبيبها وسكتت.. سكتت ليه متكلمتشى
علشان ماترضى امها.. اللى قالت انها هتموت لو ما قبلتشى
يبقى اعتب على مين ؟عادتنا وتقاليدنا اللى ماتصلحشى؟
على الديكتاتوريه اللى مازالت جوانا؟
على الانسانيه؟
على الام اللى يجب ماتتكرمشى؟
يارتنى ما كلمت؟ اصل انا هنت هنت حبيبى هنت ام.هنت حتى نفسى
عرفتم ليه ماكنتش عايز اكمل ولا اقول السبب
أنا هنت البنت إاللى حبتها.. واللى عملتلها قصه وبقت إسطوره
وصفتها فيها بكل معانى الحب رسمتلها ف حياتى أبهى صوره
وإتكلمت وحش عن ألآم .مش يمكن ألآم دى كانت معزوره؟؟
بس كان لازم أكمل وأقول مين فينا غلطان ف حق التانى
إن البنت ماكنتش شخصيه قويه .. كان عندها السهل تنسانى
على إنها تقول إن أنا اللى بتحبه ..إن انا اللى شريانى
وألآم مش عارف كان إيه مصلحتها إنها تبعنى أنا وتشترى التانى
رغم إن بنتها كنت أنا .. أنا اللى حبانى
ماعنتش عايز خلاص أتكلم علشان إنى بردو ف يوم حبتها
وكنت بتمنى ف كل لحظه أشوفها أو حد قدامى يجيب حتى ف سيرتها
وألآم مهما كانت هى أم .. ليها ف قلوبنا بردو كلمتها
والحياة بتكمل مابتوقفشى وعمر جرح الحب مابيكون نهايتها
ياحبيبى ربنا يوفقك .وعيونك أبدا ماشوفش دمعتها
وتنول الرضا وكل الهنا وكل حاجه ف خيالك اتمنتها
ولا ينكتب عليك القلم ولا الفراق ولا تقول أبدا ف يوم حسيتها
بشكرها علي كل لحظه حبتها فيها
هنكمل مع الجزء الاخير المره الجايه
خالد المنصوري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: