بيت الأدباء والشعراء

طمنيني

بقلم احمد صبري

طمنيني
احمد صبري

مش قادر اْتحمل
حياه من غير حنان
لو عايزاني اْكمل
لازم اْحس بأمان
قلبي من أْحزانه خوف
م الليالي والظروف
بس متعشم يشوف
فرحة وإنتي بتحضنيني
طمنيني
إني ليكي وإنتي ليا
وإني لو اْغمض عنيا
ليلة بعد كتير عليا
بكره تيجي تحضنيني
عوضيني
اللي ياما راح عليا
من حبايب غدروا بيا
م الخيانة والقسية
جرحوا قلبي وبكوا عيني

طمنيني ع إللي باقي
من حياتي إني هاعيش
لما يوصل إشتياقي
عند حب ماينتهيش
تبقي من لمسة إيديكي
من حياتي بتسرقيني
عيني لو تيجي ف عنيكي
أْو شفايفك تسحريني
قربيني
م إللي ياما حلمت بيه
واللي انا باْدور عليه
حضن دافي اْحن ليه
قلب طيب يحتويني
عيشيني
كل حلم حلمت بيه
وإللي انا كان نفسي فيه
قلبي تتحقق اْمانيه
لما بيكي تمتعيني

يلا نعيش اْجمل إحساس
لما اْغني وتسمعيني
عايز اْنسى كل الناس
اْكملك وتكمليني
طمنيني وكلي ليكي
إوعديني ماتسيبيني
حبي فيا واْحب فيكي
كل حاجة يا ضي عيني

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق
%d مدونون معجبون بهذه: