عناد مشروع

(((عناد مشروع)))
…..
هخلى الكلمة تتقوى وتتعارك
وتتعزم
بحروفها وبالقوة
هاكون الفارس وشيخ حارة وفتوة
وتتمايل وتتمختر
وتبنى معارك أدبية
وأخلى القارئ كده يشوفها
بتوب العز معطفها
وملبسها
ويدرسها خريطة وقاعدة عاطفية
دخلنا الحرب انا وهى
وهغزل حب حنية
و ف شطورها
هاكون قادر وأعيش شاطر واخليها تقولى ياريت
وانا بحسى حبيتها
وبحروفى يزيد الشطر
ما يوم ينقص
لأنى بنيت
وعلشانها هقوم اكتب
وف بحورها
يجى ٢٠٠ بيت
وبالقافية راح أغزلها وأشغلها
وتسحرنى وأسحرها
وهاروى بحورى من نيلها
وهنسج قلب منوالها
فى قلبى وبيت
****
جابر الأسد