بيت الأدباء والشعراء

دنيا تلاهي

دنيا تلاهي
*********
دنيا تلاهي
وملهاش أمان
قولت للحاضر
وقولت للغايب
أنا تايه
أنا بخاطر
وأنا عارف
اني ماليش نايب
دنيا تلاهي
وملهاش أمان
دنيا فيها البكاش
واخد حقه بزيادة
وعايش فيها بلاش
وأبو بلاش كتر منه وزيادة
دنيا تلاهي
وملهاش أمان
أنا مهضوم حقي
واربتي مخرومة
لا قادر ألم حاجتي
حتي النفس مكسورة
والحزن بقي صاحبي
والأصلي بقي صورة
دنيا تلاهي
وملهاش أمان
يا أهل الكلام والمغني
كلامكم بقي ماسخ
لا ليه طعم ولا معني
ولا في العقل راسخ
ولا بيقدم ولا بيأخر
ولا ينفع يكون ترياق
دنيا تلاهي
وملهاش أمان
ياخلق يابشر
الذمة بقت متباعة
وأكل الحق انتشر
وظهرت علامات الساعة
حرام أكون وسطكم
أموت ولا كنش إماعة
دنيا تلاهي
وملهاش أمان
لما أقع و ملاقيش
اللي يقف جانبي
ولا يشلني ولايطبطب
علي كتافي
إللي مايكون معايا
وقت الشدة مصداق
بلاها الصحبة يارفاقي
دنيا تلاهي
وملهاش أمان
الوش اللي بيضحك
من غير نفس
والوش إللي في الأصل
وش أفاق
والوش اللي بيغش
وباين فيه النفاق
قوله خلاص
انتهي زمن الاخلاص
دنيا تلاهي
وملهاش أمان
*****************************
كلمات بسيوني صديق

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: