بيت الأدباء والشعراء
طلعنا من. نقرة
طلعنا من نقره
وقعنا فى دحديره
وخوفنا من بكره
خلانا شخليله
وحبل خناقنا
بلسم وضليله
دا كان مغرقنا
بخيره وعمينا
ظلمه جمعنا
وكنا فى العيله
غراب وفرقنا
وتقلت الشيله
شهيد وشنقنا
وقال لينا هيلا
طلعنا روح خوفنا
وزحنا كام شيله
ودبنا فى الزحمه
وهتافنا غنيوه
أتارى سواقنا
تايه مراسينا
بدلنا و فرقنا
وخلصت الليله
وبدأت الزنقه
واخرصنا وعمينا
وخوفنا كاتفنا
وسلمنا بايدينا
من قوتنا ومن زادنا
عربون أمان لينا
ما كنا فى الجنه
وفى ميه أيادينا
دلوقتى جات عاتمه
ومكدبة عينينا
واخوانا واخواتنا
بيشمتوا فينا
دا سيدنا وتاج راسنا
طول مانتو فى الصورة
شالت الرؤوس جزمة
يا خيبة الرجا فينا
بالحبل والسبحة
حكمتوا البعيد فينا
وانتحرت الفرحة
م اللى جرى لينا
ولبست الطرحة
رجالة واسود فينا
ونشرح الشرحة
على حاجة مش لينا
البيضة والفرخة
دول خلق قبلينا
لايهمنا البدأه
خلينا فى مراسينا
………………وائل سعيد ………………
