بحور الشعر
احمد صبري
–
بحور الشعر مسكونة
ومهجورة بقالها سنين
وسيوف الحبر مسنونة
ومكسورة من السكاكين
وكلمة حب مطعونة
بخناجر من الخاينين
صحيح الدنيا مجنونة
بتدي اللي مش عايزين
–
عديت بحور الشعر
وكتبت من إحساسي
وجيبت باْعلى سعر
وزن على اْد مقاسي
وعرفت إن السر
مولود في اْنفاسي
شهيق وزفير وشعر
في روحي واْساسي
–
في اللحن والغنوة
تلاقيني غير محدود
وقلبي من جوه
يعزف كمانجة وعود
في الضعف والقوة
قلمي وتر مشدود
وساعات اْْعمل فتوة
اْد الغنى و إدود
–
يمكن لما هاموت
في يوم تفتكروني
تشوفوا صورة وصوت
وتبصوا في عيوني
يمكن وقت السكوت
في كتابي تلاقوني
جوه شوية بيوت
عقلي حاضن جنوني
–
في بحور الشعر اْنا
والقلب عاش بحار
يبدر بذور الغنى
تطرح شجر صبار
كان فين طريق الهنا
لما مشيت ع النار
واْجيب منين المنى
ماعندي غير اْشعار
