بيت الأدباء والشعراء

( القسوة ليه )

بقلم محمد عباس

خواطر بعنوان 🙁 ( القسوة ليه )
اوعى تسرق م الزمن
احلى مافيه
اوعى تنسي ان المحن
بتمر فيه
اوعى تفتكر ان الالم
حال نبتغيه
اوعى ترحل م الميدان
وانت اذيه
اوعى تقسي ع الشجن
وتكون عاديه
بكرة يتجدد امل
كل مافيه
بسمة حلوة قريبة
يرجع ماضيه
نظرة و لعمر الشقى
والمر فيه
فرحة توصل للسما
ناظر اليه
رب غفور ورحيم بنا
مادد ايديه
لكل عاصى او منيب
والاتائب او معيب
دعوة من قلب الحبيب
يزول ماضيه
لمسة من ايد الطبيب
يشفى مافيه
خدنا ايه ناراللهيب
والحقد ليه
كلمة من اغلى فؤاد
والشوق مليه
نظرة لوم والاعتاب
والقسوة ليه
ده البعاد بيزيد نحيب
والكره ليه
والنواح قسي القلوب
والشر ليه
نبدا المشوار بخطوة
ازاى وليه
لاجل بكرة بالامل
يشرق مافيه
قلب مخلص بالوفى
والخير مليه
لماتشعر بالدفى
فى جمال عينيه
لماتحتاج للصفى
تسال عليه
ايدين وغيرها الزمن
هتقول فيه ايه
الحزن عشش فى الجفون
وده كله ليه
والغلبه فى قهر النفوس
نفوس دى ايه
نفوس وغراها الفلوس
والعمر ايه
حب للناس الوفى
والحلم ايه
بكرة تيجى زى غيرك
تبكى عليه
هى كلمة هى ذكرى
ويفيد بايه
لاجل تنجى م القسي
والشكر ليه
وتفوز بنعمه مخلصة
وتبوس ايديه
دى الامانى الطيبه
كل ماليه
راجع المشوار بسرعه
كل كلمة كل دمعه
اى نور لوبشمعه
احمد الرحمن عليه
باقى حلم منتهاه
الفوز بدعوة مبتغاه
غبطة من عند الاله
رحمة تتجدد حياه
خدت ايه من كل جاه
نهايه محسومه ورجاه
دنيا والاخرة فناء
ورساله محفوفة بعطاء

بقلم محمد عباس
الاسماعيليه . مصر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق
%d مدونون معجبون بهذه: