شعر وأدب

ماذا قالت ..

بقلم : امير العربى

قالت: ‏أنا مظلمتش غير نفسى لما ضيعت وقتى فى عتاب ناس متستاهلش ، لما فضلت باقيه ومتمسكةرغم اللى شوفته ، لما كنت بقنع نفسى وأقول بكره يتغيروا ، لما كنت بخاف على زعلهم ولو فيا حاجه مش بقول ، لما عديت بدل المره ألف عشان خاطر العشره وفى الأخر بهون عليهم عادى.

 

قالت : محتاجه حد يقولي مالك ! وافضل اتكلم كتير وافضفض واعيط واخرج اللي جوايا وبعدين ماشوفش الشخص ده تاني عشان مافتكرش اني ضعفت فى يوم قدامه و يبان تعبي او كسرتي،، الايام دي تقيله اوي يارب هونها وعديها..

 

قالت :انا ماخسرتكش انت بس اللي مش هتعرف تعوضني تاني .

 

قالت: لما بيسألوني هو فين مبعرفش أرد وبكتفي بـ كلمه واحده “موجود” .

 

‏ قالت : أنا شفت في عيونه الحب ناحيتي، بس هو كان جبان إنه يعترف، ولا هو لم يحبنى ؟

 

قالت : كنت فاكرة إنى شخص مميز، مكنتش أتوقع إن أهون عليك ؟

 

قالت : وانا بصدهم كنت بتمنى لو حد فيهم يقدر يتقبل الصد ده ويفضل مكمل، حد يحسسني اني مميزه واني استاهل انه يحارب عشان يوصلي.

 

قالت : ‌‎أنا لم اذهب عشان انا قليلة الأصل زي ما انت كنت فاكر ، أنا مشيت عشان انت قاعد توجعني بحاجات أنا تعبت استحملها وانت عمرك ما فهمت إن كل واحد وله طاقه وانا طاقتي خلصت فاثرت ان اذهب .

قالت “مفيش نسيان، في تعود على غيابه وزهد حبه .

 

قالت : اخاف من شجاعتك في الهجر.

 

قالت : كل الحكايه اني فضيت مشاعري كلها معاك ، عارف لما تحس ان جواك فاضي، استهلكت كل طاقتك لشخص ما بقاش في طاقه حتى تقفل بيها باب التجربه وراهم لما مشيوا.

 

قالت : مابين جزء بيصد وجزء بيحن، انا تايهة .

 

قالت: بفضل اسامح، عشان لما امشي ما ارجعش.

 

قالت :حسيت اني انتصرت، لما بقيت افتكرك ومحسش بحاجة.

 

قالت :حنية الشخص بتنسيك عيوبه.

 

قالت: في صحاب بنقابلهم في حياتنا، بيبقوا عيلتنا التانية.

 

قالت :عارف لما تقابل الشخص الصح بس انت قلبك رافض يصدق إن لسه في شخص صح؟

 

قالت : الفرق بيننا ، أنني أحببتك ، كمعجزه ، وأنت أحببتنى ، كشيئ يحدث في اليوم ، مائة مره .

 

قالت: الأحضان المتاحة دلوقتي بتشوك.

……

(قال) : بدون أي نص عميق او حتى كلمات أدبية

أنا أحتاجك فحسب.!

إنى مبعثر الفكر، متعثر الخطى ، بداخلى أعاصير

‏شخص مثلى، لن يفلت يده منكى إلا عندما يتفتت قلبه .

 

وهل من حلول لاصلاح ما تم افساده ؟!

Ahmed Elshony

محرر ومسؤول نشر فى جريده الجمهور العربى كليه اللغه العربيه شعبه التاريخ والحضارة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: