طال غيابك

طال غيابك…….كلمات…. عادل داود عسكر..
طال غيابك. حبيبي. وانا والأمل واقفين علي ……..بابك..
وحشتني وواحشني. همسك وشوقك وكلامك…. وعتابك
خلاص دوبت من الحنين إليك.وعمر…. قلبي……. ماسابك
فاكرك ياناسيني.كل يوم اصبح علي صورتك واقرا كتابك
طال غيابك.
هنت عليك وهانت عليك دمعتي.. وسيبتني……للمجهول
مكنتش اعرف ولاكنت اتخيل. بفراقك……. عذابي يطول
وردي كان بيك مفتح.. معطر. ودلوقتي خلاص… للذبول
عليك بكيت انكويت حسيت بالعذاب. والدمع…… سيول
طال غيابك.
كنت عايش فيك وليك وبيك الدنيا كانت ليه………بتلالي
كنت بحسك من غير ماتتكلم. وكنت انت بتعشق وصالي
كل ذره في جسمي عايش فيها. وكنت. روحي… وخيالي
كنت بتديني قلبك وشوقك وحبك. وحلو الغرام والليالي
طال غيابك.
كل مكان كان فيه ذكري بزوره. وعليك.ديما …… يسألني
يجاوب قلب. بيبكي. ويقول. الحبيب بغيابه………. قتلني
ولولا الملامه لجيبك غصب عنك.لكن عزة نفسي بتمنعني
الله يسامحك.ياللي مانسيت ملامحك وجرحك بيوجعني
بسي افتكر اني حبيتك. واشتريتك.وقلبك نسي وخدعني
كان لك معايا اجمل حكايه. لكن زماني معاك……….باعني
…….كلماتي…. عادل داود عسكر…

.