Uncategorizedبيت الأدباء والشعراء

لاجل التار

لأجل التار


ليه تتابعنى وليه الاصرار
ليه نضرب بعضنا بالنار
وكله يخطط لأجل التار
والدم يغرق اراضينا

كله محاذر شايف غيره
وشيطانه ملخبط له ضميره
وتملي شاغل تفكيره
همه يكرهنا ف بعضينا

وأم بتحزن شايفة ضناها
سايح دمه ف كف ايديها
تبكى ليالى بدمع عنيها
وتقول راح النور لعنينا

ليه واخدنها رحلة دم
كتر الدم خراب بيعم
ايه بيساوى دموع الأم
وحروب دايرة م بين أهلينا

طول م السما بتنزل خيرها
لازم تصفى نفوسنا لغيرها
كتر الدم ما بين الناس
لما شيطانا يلعب بينا

ان كان ربك لينا مسامح
لازم احنا لبعض نسامح
وروحنا ديما … تتصالح
ومحبة تسبق خطاوينا


كلمات وتأليف
الشاعر نبیل امین

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: