وحشاني يا امي

وحشاني يا أمي
ونفسي منك فى حضن وضمه
فكره اخر مره لما اتقبلنا
سألتيني فيها عن حلم عمري .
جوبت رضاكي يا كل عمري
يا شمسي الجميله ويا ضل أمري

كان نفسي اخلف حتت ولد
يترحم عليه ويشيل البلد.
فوق كتافه
وليلة زفافه . برضو يموت !!
بطلقه سكرانه
او عباره غرقانه
او حتى بفعل السكوت .

كلمه أخيره يا أمي اسمعيها
من بعدي يا أمي ابقى احفظيها
دمعك يا غاليه عليه غالي
انا قصري عالي فى العلالي
فى الجنه انا هعيش مدمعيش .

ولو فى يوم حبيتي تبكي
ابكي يا أمي على اللي جي .
وفى عتمة ظلام الليل
والدنيا مليها الويل .
صلي صلاة تراويح
وادعي انه ربي يزيح
عنا مآسي الشعب
ويملا سمانا الحب
ويملا سمانا الحب ..

ـــــــــــــــــــــــــــــــــــــــ
مَحْمودْ بَدْرٌ # Mahmoud Badr