بيت الأدباء والشعراء

اكتوبر

اكتوبر ….كلماتي.. عادل داود عسكر….
اكتوبر. تلاته. وسبعين. عيد……. النصر
بلدنا بجيشها وشعبها.. ضد…. …الكسر
ولما تقول رجوله وشهامه.. قول مصر
جنود اسود. امجادهم.. فوق… الحصر
اكتوبر…
من غير عتاد بعقيدة. في الحروب……….. إنتصرنا
روحنا وحياتنا فدا ذرة رمل ……من ارضنا ودارنا
إيمان بالله. مفيش أه. نحمي ارضنا. وكمان جارنا
مصر الحضارة والتاريخ. وده إحنا. وده……. قدرنا
وقنال بالنبال متلغمه. بروح الاسود. كملنا. .وعبرنا
اكتوبر…
عدوا.. الاسود.. عبروا.. الحدود.. وقالوا.. الله…. أكبر
حالفين. يحرروا كل شبر في سينا. وأمجادنا… تكتر
لاهابوا. نار.. ولا حصار..عزيمه وقت النزال…. تحضر
عملوا ملحمه.بالارض والسما. وصايمين مش هنفطر
اكتوبر..
زرعوا العلم..ماهابوا الألم..كسروا المحال…….. الرجال
نسفوا خط برليف.. لاهمهم.. نبال ولاحبال….. ولاجبال
خير اجناد الارض. النصر عندهم فرض.. حققوا الأمال
واكتب ياتاريخ. رجال زي الصواريخ. فوق……. الخيال
أرض مصر للعدو مقبره وللزاير مفخره.وتاريخ وجمال
اكتوبر..
هنا القاهره. بلدنا العامره..جيش. وشعب…………….اصيل
هنا الحضاره. والفناره. دا لو مالت مصر…… الكون بيميل
مذكوره في القرءان. حافظها الرحمان…….. ارض النخيل
الهرم والكرم. والموسيقي.والنغم.يوسف وابراهيم الخليل
اكتوبر..
مصر. العلوم والفنون. هليود الشرق. الازهر….. والقرءان
زويل ومحفوظ ومصطفي. علمائها.. في كل…….. مكان
عبد الوهاب وحليم وسومه. فيها العالم فيها…… الفنان
فيها خير اجناد الارض. فيها الزعامه والشهامه والامان
……..كلماتي… عادل داود. عسكر….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: