يا ساحرة الكون

شعر غنائى ..
( يا ساحره الكون )
يا ساحره الكون بجمالك .. يلى عليكى العين بتدور ..

آه من سحرك و دلالك .. عودك ملفوف و مدور ..

يكفيكى شر العين .. بعيد عن السامعين ..

حسادك بالملايين .. يا قمر سبحان صور ..

يا ساحره الكون ..

رقيتك و إسترقيتك .. بالمستكه و الحبهان ..

و رفعت إيدى للسما .. يحرسك من إنس و جان ..

و دعيت كل الأوليه .. و صليت على زين الأنبيه

تسلمى و تعيشى ليا .. يا ورده يا عود ريحان ..

يا ساحره الكون ..

الطير لو شافك يغير .. و الورد و العبير ..

و الهوى عليكى يميل .. و الحسن له تأثير ..

من خدودك العنبرى .. و شفايفك السكرى ..

ع الأرض تتمخطرى .. و الميه تحتك هدير .. ..

يا ساحر الكون ..

بقلم الشاعر ..
محمد البريمى ..