بيت الأدباء والشعراء

بنت الحته

الجزء الأول من الأوبريت الغنائي بنت الحتة
****************************
( أهل الحارة )
صبح الصباح
يا أسطا عليوه
نهارك فل
ليلتك بيضا
عندك إيه
( أسطا عليوه )
فول وبليلة
سخنة وجميلة
(أهل الحارة )
أمال فين الطعمية
( أسطا عليوه )
عاوزنها مشطشطة
ولا محشية
(أهل الحارة)
كلك مفهومية
( أسطا عليوه )
قوم يا واد يا ولعة
أحمي ع الزيت بسرعة
وشوف الأفندية
( سمارة )
يا سطا عليوه
( اسطا عليوه )
أيوة ياحليوة
( سمارة )
اديني فول
بالزيت الحار
والحراء
فلفل نار
( اسطا عليوه )
حاضر من عنيه
وهزود في التحويجة
يا غالية
يا أحلي صبية
( سماره )
تسلم ياعنيه
ههههههههه
كلك. حنية
ههههههههه
( اسطا عليوه )
يا خرابي
يا لهوي يا مستهوي
انا مش قدك
وحياة ضحكتك
وحلاوتك
أدوب في رجلك
ورقتك
( سمارة )
حلو يا معلم
قد قولك
تسلملي
( اسطا عليوة )
يا واد يا ملهلب
يا مستلهلب
أحلي وصية
( سمارة )
ههههههههه
و ايه كمان
تحت امرك
الدكان
وتحت رجلك
الصبيان
( سماره )
لأ لأ لأ
كتير قوي
يامستلأ
يا قرنفلي
( اسطا عليوة )
أموت أنا
في الحلويات
اديني وراعيني
كلي وادعيلي
( سماره )
يارب كتر
ف زباينك
ولما تكسب
أخد الفطار
بالمجاني
( اسطا عليوه )
من دلوقت بالمجاني
الفطار
وصاحب الفطار
وأبو أبو
صاحب الفطار
**************
بسيوني صديق

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: