بيت الأدباء والشعراء

حكايات خالتي بمبه

السلام عليكم ورحمة الله وبركاته
حان الان موعدنا مع الحلقة السادسة من * حكايات خالتي بمبه * ياترى اليوم هتكلمنا عن ايه تعالوا نشوووووف….
السلام قبل الكلام والصلاة على خير الانام سيدنا ونبينا محمد عليه الصلاة والسلام
ازيكم يا أحباب ربنا يقبل منكم الصيام والقيام وصالح الاعمال يارب
انا النهاردة زعلانه اوي
تعرفوا ليه علشان سمعت زعيق جامد اوي من شقة جارتي الست ام احمد وجوزها الاستاذ محمود الصوت كان عالي اوي انا مش بتصنت على حد البيوت اسرار ربنا يستر علينا وعلى اولادنا يارب المهم مافهمتش هما كانوا بيتخانقوا ليه
شويه وسمعت زعيق تاني بس المرة دي من عند جارتي التانية ست شوشو برضه ماعرفتش ايه السبب
شويه وسمعت الست ام احمد والست شوشو طالعين من البلكونات بناعتهم ووقفين قصاد بعض وعمالين يزعقوا جامد
ودي تقول لها هو انا حصل مني اني قلتلك كذا كذا عن الجيران اللي فوق مننا والتانيه تقول لها ابدا ياختي ماحصلش انت ست محترمه ماعمركيش جبتس سيرة جيرانك الا بكل خير
تقول لها امال فلانه بتقول انك قولتلها الكلام ده
والنانية تقولها كدابه في اصل وشها وجهيني بيها وانا اقولك قدامها
المهم فضلوا يتكلموا كدا يجي ازيد من ساعة
وطلعت انا والجيران نهدي بينهم وسمعوا الكلام وقالوا اللهم اخزيك يا شيطان
بعد الفطار رحت لجارتي الست شوشو وقلت لها ليه كنتي بتزعقي مع الست ام احمد دي ست كويسه وعمر العيبه ماتخرج من لسانها
قالت هي جارتي واخت حبيبة زيك كدا يا ست بمبه بس واحده قالتلي انها طلعت اتكلمت عني كلام عن جارتنا اللي فوق مننا كلام مش كويس وجوزي علم بيه من جوز جارتني واشتكاله وهو جه زعقلي واحلف له اني ماقلتش ولاعمري اقول اي حاجه عن جيراني وكلنا ستر وغطى على بعضنا
ومن زهئي طلعت ناديت على الست ام احمد وعاتبتها وهي قالت ان ماحصلش منها الكلام ده ومستعده تواجه اللي اتكلمت علينا ووقعتنا في بعض
شفتوا يا جماعة الناس اللي نفوسها وحشه اللي بتخرب البيوت العمرانه
تدخل بيتك وتاكل وتشرب معاكي وتبان لك حبيبة وساعة ماتخرج من عندك تتكلم عليكي وتفضح سترك وتكلم عليكي كلام وحش وتآلف حكاوي وانت ولا تدري وبريئة من كلامها السيئ ده
وتاخد منك وتنقل لغيرك وتاخد من غيرك وتنقل لغير ك وغيرك وهكذا لان هي حياتها كلها كدا زي الشيطان الوسواس الخناس
كل همها انها تشوف الناس كلها وقعين مع بعض وزعلانين من بعضهم تولع الدنيا وتقف تتفرج
اللي زي الناس دي آفه المطلوب مننا القضاء عليها ومانسمعش لامثال هؤلاء لانهم زي مابيقولولك تاكد انهم بيقولوا عليك واكثر
اللي زي الناس دي حرام نختلط بيهم او ندخلهم بيوتنا
كفانا الله وإياكم شر الناس وابعدهم عننا وقربنا من الطيبين الصالحين وعفانا الله واياكم وعفى عنا واصلح احوالنا يارب العالمين
….. ياعيني علـيـــــــــــا…….
#بقلم_حنان_محمدعبدالعزيز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: