بيت الأدباء والشعراء
جايلك يا بلادي
جايلك يابلادي
من غير متنادي
شايل علي كفي
روحي لاجل اوفي
واموت علشانك
ويمكن مااوفي
حقك يابلادي
حقك يابلادي عليه
ادافع بحياتي وعنيه
حفظ ترابك فرض عليه
من غير متنادي
جايلك يابلادي
قبل ماامشي واروح
عاوز الناس تسامح
وتدعيلي مين عارف
رح نتقابل والا ح اروح
انا ياناس ليكم مسامح
لاني مش عارف
رح نتقابل ولا ح اروح
انا جايلك يابلادي
…من غير متنادي
افتكروا اني
ميت باغني
وترابك من دمي
متحني متحني
وبقول فيكم
وفي تراب بلدي
احلي البلاد يابلادي
واحلي إصحاب ياولادي
جايلك يابلادي
من غير ماتنادي
انا رايح ع الجيش
يانحررها يااما ماجيش
امي قالتلي
مش ممكن اعيش
كدا وصتني
وبلدي فيها اعادي
جايلك يابلادي
من غير متنادي
لوجيت تبقي جيوشنا المنصوره
وناخد كلنا مع بعضنا صوره
ونقيد الانوار
وبحلاوة الانتصار
ونرش الازهار
وايدي في ايد السنيوره
وافرحنا م الليلادي
انا جيلك يابلادي
من غير ماتنادي
وان مت ياناس افتكروني
واكتبوا اسمي عالصوره
وقولوا لأمي
وحبيبة قلبي
هنوني وغنولي
يابلادي يابلادي
انا جيلك يابلادي
من غير ماتنادي
واسمعوا زغروتة امي
واسمعوا لحنها لماتغني
وامسحوا دمع السنيوره
فداكي يابلادي
انا جايلك يابلادي
بقلمي /
محمد حسنين
عاشق طين بلدي
