بيت الأدباء والشعراء

صعب احايلك

( صعب احايلك )

مش راح اقولك
تاني بحبك
مش هتشوفي
تاني حنان
كنت بمني عيني بنظره
لكن سوقتي ف التقلان
صعب القلب يحايل فيكي
صعب ارجع لك زي زمان
مش هنسالك قسوة قلبك
مش راح اقولك تاني بحبك

ياما سهرت ليالي كتير
ياما القلب ف حبك تاه
ياما تعبت من التفكير
ياما تعبت بقولة اه
ليه بتسوقي التقل عليا
اصل الحب ملهش كبير
وليه في القسوه
تعيش قلبك
ليه بتطول في التفكير

مش راح اقولك مستنيك
وهشيل قلبي من جوايا
لو كان تاني يفكر فيك
من دلوقتي راح تلقاني
بوشي التاني هقلب ليك
وهعيشك الحزن بعينه
ومش راح ارجع
تاني اواسيك
ابقي اتحمل تمن الهجر
جرب مره طعم الغدر
اللي انا عشته
سنين في هواك
والا يمكن فاكر نفسك
بعد ده كله هدوب في رضاك
راجع نفسك بقي واتالم
افهم قلبي بقي واتعلم
إني مش راح اقولك
تاني بحبك
والا عمري هتمني رضاك

أبو رامي الاسواني
٢/١٠/٢٠١٩

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: