بيت الأدباء والشعراء

وادينا عايشين

وادينا عايشين
لكن إحساسنا بالغربة
بنشكي غدر السنين
كنا زمان روح واحدة
ودلوقتي بقينا أتنين
بقينا نرسم البسمة
وجوه القلب بكاء وأنين
يمر اليوم مفيش كلمة
ولا حتى بنظرة عين
نقول الآهه بالحرقة
ورغم القرب مش حاسين
وسكنت جوه القلوب فرقة
وخطاوينا تتوهنا مابين طريقين
وادينا عايشين
راح فين الحب والمودة
وفين راح الحنين
كنا نحس بالكلمة
يدوب من نظرة عين
ونار الشوق واللهفة
تطفيها همس الوتين
ولمسة إيد والضمة
تنزف قلوبنا بالحنين
وادينا عايشين
لكن إحساسنا بالغربة
بنشكي غدر السنين
(((أسامه جديانه)))

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: