بيت الأدباء والشعراء

الواد ال متبت جوه. ضلوعي

الواد اللي متبت جوه ضلوعي
من بعد صلاة العشا بيفكّر
ف اللي بيحصل له
مش عايز يكبر
يتضايق جدًا
من كلمة جدو
من نوم بيشدهُ
وبيقفل عينهُ
ويقول له…خلاص
من ليل كنّاس
بيهدهد نبضهُ ف قلب وريده
من لقا بيزيدهُ
احساس بالعجز
فيجز..
بعضم الفك على الفك
ولسانه ينحاش
من نظرة طشاش
بتحسس ايدهُ على العكاز
وسواس همّاز
بيدلدق جوه الروح همزات
« ما كبرت ياحج »
من سطح ازاز
ما بيعكسهوش
فيبان الوش ملان برتوش
تجاعيد..
ورموشهُ بياض
فييثبت عينه على البرواز
ويحب بصدق.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق