بيت الأدباء والشعراء

اكتب واقول موال

حااكتب واقول موال

======================

أنا فى حُب البلد حااكتب واقول موال

عاشق تراب أرضك فى كافة الاحوال

صابر وحااتحمل مهما تكون الاحمال

واستنا نور صبحك يشق ليلى ان طال

ويجيب شعاع الشمس ويحقق الأمال

يكفا الأمان فيكى ودا واحده عال العال

الروح فدا عيونك مهما تكون الاهوال

وحأقول بعلو الصوت زى ماقَبلى قال

تعيشى ياغاليه رايتك فى إيد أبطال

صانوا ترب أرضك وداسوا ع الأندال

بيضحوا علشانك أجيال ورا أجيال

وقائدهم الأعلى بطل وأهله رجال

شال روحه على كفه ولا همه إيه يِتقَاَل

كل اللى كان همه يحميكى ياام الجَمَال

من غدر خاين عميل معاه شوية عِيال

باعوا فى يوم أرضنا بأبخس الأموال

عاشان ولاد عمنا وكمان ولاد الخال

وزررعوا كل الخراب والدم ياما سَال

سرقوا الأمان مننا وغرقنا فى الأوحال

راح الطريق واختفى وسألنا نفس السؤال

يا هل ترى ضِعنا ولا دا حلم وخيال

تاهت مرَاسِينا ليلنا ونهارنا جِدَال

اللى حصل لينا ما شُفنا زيه مِثال

لكن دى مصرعظيمه وشعبها حَمال

وقف مع جيشه بشجاعه واستبسال

من بعد ما ربنا للغُمَه عنه زال

علشان كدا لازم أكتب وأقول موال

====================

( محمـد عنانى )

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: