بيت الأدباء والشعراء

كتاب مفتوح

قصيدة بعنوان………. كتاب مفتوح

سحرنى بالهوى رمشك
وحيرنى مارسانى
وقلبى إحتار وتاه منى
وحبك هو عنوانى

يانجمة ف السما عالية
ومين ف الدنيا دى قدك
أعيش مجروح يانور العين
ولا الدمعة تشوف خدك

ساعات الفرح معدودة
ولو بإيديا أعيش جنبك
وكل دقيقه بتعدى
ياكل منايا بشتاقلك

رضيت بعذابى وياكى
ياساكنة جوه روح الروح
ولو شمسك تغيب عنى
يعيش قلبى سنين مجروح

ومهما هأخبى مش هأقدر
معاك القلب فين مايروح
وكل حياتى ياعمرى
بقت ليكى كتاب مفتوح

هأعيش العمر بأستنى
ياساحره عيونى بهواكى
وحشنى حضنك الدافى
ودقة قلبى حساكى

سنين العمر بتعدى
ودمع العين على خدى
عشانك عيشت أيامى
وصار الحلم مش قدى

كلمات الشاعر محمد ثروت عبد الحفيظ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: