وانت. غايب

وانت غايب
——————
شمس الكون بقى نورها ضعيف
وقمر الليل بقي زي الضيف
وانت حبيبي غايب عني
عمري محسً بنسمة صيف

لما تغيبي قمري يغيب
ونجمي أصبح عني غريب
حتى النًسمه مش بتعدي
كل الدنيا عندي خريف

انا محتاج للشمس تعالي
عايز نجمي يضوى يلالي
نسيتي قمرنا وهو معانا؟
ولاكلامي بقي تخاريف

لأ وحياتي كفايه بعاد
ولا فراقي شئ معتاد؟
ريحي قلبي أيوه بقربك
قدًري نبضي بدون تحريف

فاكره لقانا ويا القمر؟
ولا نسيتي ساعات السًمر؟
حد ينسى. أيامنا الحلوة؟
دا حبك خلا الجو لطيف

@@@@@
بقلمي / رمضان عبد الله احمد