أوصيك يا ابني علي الوطن

=== أوصيك ياابني على الوطن ===
وقصيده للشاعر // على عبد الرازق صالح احمد
المعصره — الفتح —- اسيوط
===================
يابني خلاص قلبي رطن
يابني خلاص عقلي فطن
اوصيك وصيه على الوطن
========
يابني خلاص العمر اوشك ع الضياع
اوصيك وصــــيه تنفعك قبل الـــوداع
اوصيك وصيه ياولد ، وجب عليك الآنصياع
ياابني الوطن هو السفينه بدون شراع
بيع اى شئ ممكن يُباع
بيع فرشتك بيع هدمتك بيع لقمتك
بيع حتى مسكن تسكنه بيع المتاع
خليك عاقل محترم خليك فطن
اياك فى يوم تبيع وطن
اياك فى يوم تبيع وطن
لو يوم تجوع وينكشف جسمك وتنكشف الضلوع
امسك بتلبيب الوطن خليك قنوع
بيع الحزاء للوطن وأمشي حافى
خليك حنين ع الوطن متكنش جافي
بيع الهدوم وأمشي يابني بدون هدوم
كل شيئ ممكن يضيع الا الوطن اكيد يدوم
بابني الغريب غريب وطن والحافي حافي من الوطن
والعاري عاري من الوطن
والعار كل العار انك فى يوم تبيع وطن
خليك عاقل محترم خليك فطن
اياك فى يوم تبيع وطن
لو بعت وطنك ياولد هتعيش ذليل
هتعيش بروح من غير جسد هتكون عليل
والعبره خدها من اللي باعوا فى يوم وطنهم
باعوا تاريخهم ، باعوا سنين عمرهم ، باعوا أرضهم
عيش فى الوطن ولو بدون خبز وماء
وخللي ارضه فرشتك وسماه غطاء
متقلش هاخد منه ايه ، اتعلم مفهوم العطاء
سيدنا النبي لما خدوا منه الوطن ، علمنا درس ف الانتماء
===========================
بقلمي // الشاعر // على عبد الرازق صالح احمد